Universal News Network
The Universal News Network

62 ارب36 کروڑ روپے سے زائدکی بےنامی جائیدادیں بےنقاب

6

کراچی: فیڈرل بورڈ آف ریونیو( ایف بی آر) نے 62 ارب 36 کروڑ روپے سے زائدکی بےنامی جائیدادوں کو بے نقاب کر دیا۔

تفصیلات کے مطابق فیڈرل بورڈ آف ریونیو( ایف بی آر) نے 62 ارب 36 کروڑ روپے سے زائدکی بےنامی جائیدادیں بے نقاب کیں۔ اومنی گروپ کی سب سےزیادہ جائیداد بےنامی پائی گئیں۔

ذرائع کا کہنا ہے کہ اومنی گروپ کیس کی بےنامی جائیدادکی مالیت 14 ارب 86 کروڑ سے زائد ہے، اب تک 146 بےنامی جائیدادوں کو منجمد کر دیاگیا۔ کراچی میں 101، اسلام آباد میں 31 اور لاہور میں 14 بےنامی جائیدادیں منجمد کی گئیں۔

ذرائع کے مطابق مجموعی طور پر 752 بےنامی داروں کی نشاندہی ہوچکی ہے، بےنامی جائیداد وں کے مجموعی طور پر 34 ریفرنسز داخل کیے جا چکے ہیں جبکہ 63 مقدمات کو حتمی شکل دی گئی۔

یاد رہے کہ گزشتہ سال اگست میں وزیراعظم عمران خان کی ہدایت پر بے نامی جائیدادوں کے خلاف بڑے کریک ڈاؤن کا فیصلہ کیا گیا تھا۔ ضلعی انتظامیہ کو خفیہ جائیدادوں کا کھوج لگانے کا حکم بھی دیا گیا تھا۔

جواب چھوڑیں

آپ کا ای میل ایڈریس شائع نہیں کیا جائے گا.