Universal News Network
The Universal News Network

نیب نے سابق صوبائی وزیررانا مشہود کوآج طلب کرلیا

17

نیب نے سابق صوبائی وزیررانا مشہود کوآج 11 بجے لاہوراسپورٹس فیسٹول میں غیرقانونی ٹھیکے دینے کے الزام میں طلب کرلیا۔ ذرائع کے مطابق نیب نے خواجہ آصف کی اہلیہ مسرت آصف اوربیٹے اسد آصف کواصل شناختی کارڈ اورمتعلقہ ریکارڈ سمیت پیش ہونے کی بھی ہدایت کی ہے۔

نیب ذرائع کے مطابق لاہورمتاثرین کی شکایت پرنیب نے تحقیقات شروع کیں، جس کے بعد انہیں طلب کیا گیا ہے، ملزمان پرکینٹ ہاؤسنگ اسکیم سیالکوٹ کے نام پرکروڑوں روپے وصول کرنے کا الزام ہے۔ دوسری جانب رمضان شوگرملز کیس میں ملز کے ملازم کو آج طلب کیا گیا ہے جب کہ رمضان شوگر ملز کے ملازم محمد عثمان کو متعلقہ ریکارڈ کے ساتھ پیش ہونے کی ہدایت کی گئی ہے۔

جواب چھوڑیں

آپ کا ای میل ایڈریس شائع نہیں کیا جائے گا.