Universal News Network
The Universal News Network

لندن میں ڈاکٹر عدنان پر حملے کی اصل کہانی سامنے آگئی

The real story of Dr. Adnan's attack in London came to light

3

لندن: سابق وزیراعظم نوازشریف کے ذاتی معالج ڈاکٹر عدنان پر حملے کی اصل کہانی سامنے آگئی۔

تفصیلات کے مطابق (ن) لیگ نے ڈاکٹر عدنان پر حملے کو سیاسی رنگ دینے کی کوشش کی جو ناکام ہوگئی، لندن پولیس نے (ن) لیگ کا سیاسی دعویٰ مسترد کر دیا۔

پولیس ذرائع نے بتایا حملہ ذاتی نوعیت کا نہیں بلکہ ڈکیتی کی واردات تھی، حملہ آور ڈاکٹر عدنان کی گھڑی چھین کر فرارہوئے اور اس چھیناجھپٹی کے دوران ڈاکٹر عدنان کو چوٹیں آئیں۔

لندن میں موبائل چھیننے کی ایسی وارداتیں روز ہوتی ہیں، ڈاکٹرعدنان پر حملے کا سیاسی یا لسانی پہلو ہوتا تو تحقیق زیادہ سنجیدگی سے کی جاتی۔

ڈاکٹرعدنان کو گزشتہ شب اسپتال سے فارغ کیا گیا تھا اور وہ آج پارک لین فلیٹس پہنچے جہاں نوازشریف رہائش پذیر ہیں۔

پارک لینے پہچنے پر ڈاکٹر عدنان چھڑی کے سہارے چل رہے تھے اور وہ کیمروں کی موجودگی میں آہستہ آہستہ چل کر پارک لین فلیٹس میں داخل ہوئے۔

واضح رہے کہ (ن) لیگ نے ڈاکٹر عدنان کے ساتھ پیش آنے والے واقعے کو حملہ قرار دیتے ہوئے پی ٹی آئی پر الزام عائد کیا تھا، (ن) لیگ نے بغیر ثبوت حملے کا الزام پی ٹی آئی پر لگاتے ہوئے کہا کہ حملہ تحریک انصاف نے کروایا۔

جواب چھوڑیں

آپ کا ای میل ایڈریس شائع نہیں کیا جائے گا.