Universal News Network
The Universal News Network

اثاثہ جات ڈکلیئر کرنے کی اسکیم میں 3 ماہ کی توسیع کا امکان

22

اسلام آباد: فیڈرل بورڈ آف ریونیو کو حکومت کی اثاثے ظاہر کرنے کی اسکیم سے اب تک توقعات کے مطابق نتائج حاصل نہ ہوسکے جس کے بعد اثاثہ جات ڈکلیئر کرنے کی اسکیم میں 3 ماہ کی توسیع کا امکان ہے۔
30 جون کو اثاثہ جات ڈکلیئر کرنے کی اسکیم ختم ہورہی ہے جب کہ وزیراعظم عمران خان نے گزشتہ روز ایمنسٹی اسکیم کی تاریخ میں توسیع کا اشارہ دیا تھا۔
ذرائع کے مطابق ایمنسٹی اسکیم کی تاریخ میں توسیع زیادہ افراد کو اسکیم سے فائدہ اٹھانے کا موقع دینے کے لیے کی جائے گی۔
ذرائع کا کہنا ہے کہ ایمنسٹی اسکیم میں توسیع صدارتی آرڈیننس کے ذریعے کی جاسکتی ہے اور اسکیم میں توسیع 3 ماہ کے لیے کیے جانے کا امکان ہے۔
دوسری جانب ترجمان ایف بی آر کا جیو نیوز سے بات کرتے ہوئے کہنا تھا کہ اثاثہ جات ڈکلیئریشن اسکیم میں توسیع نہیں کی جارہی۔
یاد رہے کہ تحریک انصاف حکومت کے سابق وزیر خزانہ اسد عمر نے 2 اپریل کو ٹیکس ایمنسٹی اسکیم لانے کا اعلان کیا تھا۔

جواب چھوڑیں

آپ کا ای میل ایڈریس شائع نہیں کیا جائے گا.